U Fanipali na čyhunačnaj cysternie znajšli dzieviacikłaśnika, jakoha ŭdaryła tokam
U Fanipali (Minskaja vobłaść) na čyhunačnaj cysternie znajšli školnika, jakoha ŭdaryła tokam.
Jak paviedamlaje pres-słužba MNS, 7 listapada ŭ 21.39 pastupiła paviedamleńnie ab znachodžańni na čyhunačnaj cysternie čałavieka, jakoha ŭdaryła elektryčnym tokam, na čyhunačnaj stancyi ŭ Fanipali Dziaržynskaha rajona Minskaj vobłaści.
Kali ratavalniki prybyli na miesca, dzieviacikłaśnik adnoj ź miascovych škoł lažaŭ na cysternie, byŭ u prytomnaści. Tavarny ciahnik, sfarmavany z 13 parožnich vahonaŭ, stajaŭ na zapasnym šlachu. Rabotniki čyhunačnaj stancyi adklučyli napružańnie kantaktnaj linii, paśla čaho supracoŭniki MNS z vykarystańniem trochkalennych leśvic i nasiłak spuścili paciarpiełaha na ziamlu.
Pa dadzienych MNS, małady čałaviek z papiarednim dyjahnazam «apioki ruk, noh, paražeńnie elektryčnym tokam» špitalizavany ŭ Dziaržynskuju centralnuju rajonnuju balnicu. Miedyki aceńvajuć jaho stan jak ciažki. Abstaviny incydenta vyśviatlajucca.