U Rasii dziaŭčyna ŭstupiła ŭ šlub ź dziaŭčynaj-transhienderam FOTAFAKT
U Sankt-Pieciarburhu zaklučany pieršy ŁHBT-šlub, paviedamlaje radyjostancyja «Havoryć Maskva» sa spasyłkaj na pradstaŭnikoŭ hiej-supolnaści.
Siamju stvaryli zvyčajnaja žančyna i transhiender — mužčyna, jaki znachodzicca ŭ pracesie źmieny svajho bijałahičnaha połu i źmieny dakumientaŭ. Na cyrymoniju, jakaja adbyłasia ŭ pałacy šlubu №4, maładyja pryjšli ŭ biełych sukienkach.
Pa słovach supracoŭnika pieciarburhskaj ŁHBT-arhanizacyi «Vychad» Alfreda Miniachmietava, šlub byŭ zaklučany 7 listapada. Transhiendiernaja dziaŭčyna «maje dakumienty mužčyny i aficyjna pierachod nie ździejśniła, ciapier jana ŭ pracesie źmieny dakumientaŭ», skazaŭ jon.
Deputat Zakanadaŭčaha schoda Sankt-Pieciarburha Vital Miłonaŭ užo zajaviŭ u intervju toj ža radyjostancyi, što budzie damahacca skasavańnia hetaha šlubu. «My budziem praz prakuraturu imknucca nie dapuścić takich vybrykaŭ, takich pačvarnych abrazaŭ miljonaŭ ruskich siemjaŭ u budučyni», — paabiacaŭ jon.