Biaspłatnyja ekskursii pa histaryčnym centry horada — u Viciebsku pa subotach
U Viciebsku pa subotach prachodziać biaspłatnyja ekskursii pa histaryčnym centry horada dla ŭsich žadajučych. Takuju prapanovu dla haradžan i haściej u kancy Hoda haścinnaści realizuje turystyčnaja firma «Iłva», paviedamiła mieniedžer pa śpiecprajektach Alena Padniabiesnava.
Pieršaja ekskursija adbyłasia ŭ minułuju subotu i sabrała bolš za 30 zacikaŭlenych žycharoŭ. Na praciahu paŭtaryhadzinnaj ekskursii jany prajšli pa centralnych vulicach staroha horada z naviedvańniem klučavych histaryčnych abjektaŭ.
«Na maršrucie pracujuć atestavanyja ekskursavody. Kožny raz jany mohuć mianiać akcenty ŭ zaležnaści ad kantynhientu hrupy, ich intaresaŭ. Pieršaja ekskursija pakazała, što žychary horada nie tak šmat viedajuć pra jaho historyju. Im cikava daviedvacca ab pachodžańni nazvaŭ vulic, viadomych ludziej, jakija naradzilisia i jakija žyli ŭ Viciebsku», — raspaviała Alena Padniabiesnava.
Pieršy vopyt pakazaŭ, što popyt na pasłuhu vialiki: užo napiaredadni druhoj ekskursii 8 listapada ŭ sałon pastupiła tak šmat zvankoŭ ad žadajučych, što adnoj ekskursijnaj hrupy moža akazacca niedastatkova.