Prezientacyja faksimilnaha vydańnia Turaŭskaha Jevanhiella — 10 listapada ŭ Homieli
Prezientacyja faksimilnaha vydańnia pomnika staražytnasłavianskaha piśmienstva XI stahodździa Turaŭskaha Jevanhiella projdzie ŭ Homielskaj abłasnoj univiersalnaj biblijatecy imia Lenina 10 listapada, paviedamili va ŭstanovie kultury.
Turaŭskaje Jevanhielle źjaŭlajecca samym staražytnym pomnikam knižnaj kultury, stvoranym na terytoryi sučasnaj Biełarusi. Rukapis byŭ znojdzieny ŭ 1865 hodzie ŭ Turavie i z tych časoŭ znachodzicca na pastajannym zachoŭvańni ŭ Biblijatecy Akademii navuk Litvy imia Urubleŭskich (Vilnius). Pomnik ujaŭlaje saboj Jevanhielle z dadatkovymi zapisami, dźvie ź jakich byli zroblenyja ŭ pačatku XVI stahodździa ad imia kniazioŭ Astrožskich.
Faksimilnyja kopii pomnika słavianskaha piśmienstva byli nadrukavanyja ŭ našaj respublicy pa inicyjatyvie Nacyjanalnaj biblijateki Biełarusi nakładam 500 asobnikaŭ z vykarystańniem najnoŭšych technałohij. Pieravydańnie Turaŭskaha Jevanhiella stała praciaham doŭhaterminovaha prajekta kampanii Xerox i Nacyjanalnaj biblijateki pa ŭznaŭleńni biełaruskich pomnikaŭ piśmienstva i aznajamleńnia ź imi šyrokaj hramadskaści. Pa hetym prajekcie ŭ 2012 hodzie byŭ vydadzieny vilenski «Bukvar» 1767 hoda — samy rańni z tych, što zachavalisia, biełaruskich bukvaroŭ. U dalejšym płanujecca praciahnuć realizacyju padobnych prajektaŭ i vypuścić faksimilnyja kopii inšych unikalnych pomnikaŭ knižnaj kultury.
Padčas prezientacyi adbudziecca cyrymonija dareńnia ŭnikalnaha vydańnia biblijatekam i muziejam Homielskaj vobłaści.