U Prazie źjavilisia biłbordy, na jakich Džamileŭ paprakaje prezidenta Čechii
Na vulicach Prahi źjavilisia biłbordy ź lidaram krymskich tataraŭ Mustafoj Džamilevym, jaki paprakaje prezidenta Čechii Miłaša Ziemana.
Pad fota byłoha staršyni krymskaha Miedžlisa pryvodzicca jaho cytata, dzie Džamileŭ paprakaje češskaha lidera za zaklik źmirycca z akupacyjaj Kryma.
«Za vyraz niazhody z savieckaj akupacyjaj Čechasłavakii ŭ 1968 hodzie ja adsiedzieŭ u turmie try hady. Ciapier prezident Čechii zaklikaje źmirycca z anieksijaj Kryma Rasijaj», — napisana na biłbordach.
Pavodle śviedčańniaŭ vidavočcaŭ, piać płakataŭ i adzin elektronny ekran raźmieščanyja ŭ bačnych miescach horada.
Zieman źjaŭlajecca adnym z najbolš pa-prarasiejsku nastrojenych kiraŭnikoŭ dziaržaŭ u Jeŭrasajuzie. Jon viadomy tym, što nazyvaŭ padziei ŭ Ukrainie «hramadzianskaj vajnoj», a Majdan — «łohavam banderaŭcaŭ».
Akramia taho, jon admaŭlaje fakt rasijskaha ŭvarvańnia ŭ Ukrainu. Miascovyja ŚMI paviedamlali, što jon atrymlivaŭ prefierencyi ad biznesu, nabližanaha da Pucina.