ZŠA stvorać latučyja avijanoscy
Ahienctva pierśpiektyŭnych daślednickich prajektaŭ Pientahona (DARPA) pačynaje šukać technałohii dla pabudovy latajučych avijanoscaŭ — vialikich samalotaŭ, jakija buduć nośbitami niekalkich bieśpiłotnych latučych aparataŭ, havorycca ŭ pres-relizie arhanizacyi.
Malunak-kancept z sajtu DARPA.
Płanujecca vykarystoŭvać u jakaści bazy dla budučych avijanoscaŭ užo isnujučyja mašyny. U jakaści mahčymaha samalota-matki razhladajecca, u pryvatnaści, vajenna-transpartny samalot S-130 Hercules kampanii Lockheed Martin.
Praduhledžvajecca, što bieśpiłotniki buduć nie tolki ŭźlatać z samalota-nośbita, a buduć i viartacca na jaho bort. Takim čynam amierykanskija vajskoŭcy rezka pavialičać svaje mahčymaści pa viadzieńni bajavych i raźviedvalnych aviacyjnych apieracyj.