U Barysavie kanfiskavali bujnuju partyju spajsaŭ — amal na $2 miljony
Chłopcy pradavali narkotyki nie tolki ŭ rodnym horadzie, ale i ŭ Maskvie.
Jak paviedamili ŭ adździele infarmacyi UUS Minabłvykankama, u Barysavie zatrymany čaćviora maładych ludziej, jakija padazrajucca ŭ arhanizacyi pastavak spajsu ŭ rehijon, a taksama sietki raspaŭsiudu narkotykaŭ u Maskvie. U ich kanfiskavany narkotyki amal na 1,8 miljona dołaraŭ.
Niekalki tydniaŭ tamu ŭ pole zroku supracoŭnikaŭ adździeła pa narkakantrolu i procidziejańniu handlu ludźmi Barysaŭskaha RUUS trapili troje biespracoŭnych, 1992 i 1991 hadoŭ naradžeńnia. Pa apieratyŭnaj infarmacyi, maładyja ludzi zarablali drobnaaptovym prodažam spajsu. Pry padtrymcy bajcoŭ «Ałmaza» chłopcaŭ zatrymali. Praź niekalki dzion zatrymali i jašče adnaho 19-hadovaha barysaŭca.
Padčas pieratrusaŭ u schovankach byli vyjaŭleny niekalki bujnych partyj narnkotykaŭ: 10 kiłahramaŭ ŭžo hatovaha da ŭžyvańnia spajsu, a taksama amal 9 kiłahramaŭ čystaha reahientu (z reahientu atrymlivajecca u 10-15 razoŭ bolš narkotyku).
Pavodle papiaredniaj infarmacyi, maładyja ludzi arhanizavali ŭ Barysavie i Barysaŭskim rajonie drobnaaptovuju prodaž spajsu, jakuju jany ažyćciaŭlali praz zakładki ŭ schovankach. Akramia taho, apieratyŭniki miarkujuć, što zatrymanyja naładzili sietku pa prodažy narkotykaŭ u Maskvie. Pa infarmacyi biełaruskich pravaachoŭnikaŭ supracoŭniki Fiederalnaj słužby pa kantrolu za abarotam narkotykaŭ kanfiskavali ŭ rasijskaj stalicy jašče 6,5 kh spajsu, jaki naležyć barysaŭskim chłopcam.
Ahulnaja kolkaść kanfiskavanaha narkotyku dazvoliła vyvieści z narkaabarotu bolš za 150 tysiač razavych doz spajsu na sumu kala 1,8 miljona dalaraŭ.
Zaviedzieny šerah kryminalnych spraŭ.