Pasoł Biełarusi va Ukrainie byŭ vyklikany ŭ MZS u suviazi ź incydentam z ukrainskimi ściahami
Pasoł Biełarusi va Ukrainie Valancin Vialička byŭ vyklikany ŭ Ministerstva zamiežnych spraŭ u suviazi ź incydentami z ukrainskimi ściahami na kancercie «Okieana Jelzi» ŭ Miensku.
Jak paviedamiŭ pres-sakratar ukrainskaha MZS Jaŭhien Pierabijnis, «učora była razmova z pasłom Biełarusi. Tłumačeńnie było takoje ž, jak i MZS Biełarusi ŭ Tvitary — što isnujuć instrukcyi, jakija zabaraniajuć vykarystańnie ściahoŭ na takich masavych mierapryjemstvach». «Ale tut navat sprava nie ŭ instrukcyjach, a ŭ tym, što, sapraŭdy, była prademanstravanaja niepavaha da dziaržaŭnych simvałaŭ siabroŭskaj susiedniaj krainy. Mienavita ŭ hetym i było našaje pytańnie. Tamu my spadziajemsia, što buduć zroblenyja peŭnyja vysnovy», — padkreśliŭ pres-sakratar MZS Ukrainy.