Aryštavany eks-načalnik štaba ATA hienierał Nazaraŭ
Piačerski rajonny sud Kijeva vybraŭ mieru strymańnia ŭ vyhladzie ŭtrymańnia pad vartaj na 2 miesiacy i pryznačyŭ zakład 365 tys. hryvień dla pieršaha namieśnika kiraŭnika antyterarystyčnaj apieracyi, namieśnika načalnika Hienieralnaha štaba Viktara Nazarava, jaki padazrajecca ŭ słužbovaj chałatnaści, jakaja pryviała da krušeńnia samalota Ił-76 nad aeradromam u Łuhansku.
Sud pryznaŭ abhruntavanymi padazreńni prakuratury adnosna Nazarava, paviedamlajuć ukrainskija ŚMI.
U časie pasiadžeńnia Nazaraŭ admaŭlaŭ svaju datyčnaść da krušeńnia Ił-76 i śćviardžaŭ, što infarmacyja Słužby biaśpieki Ukrainy ab hatoŭnaści bajevikoŭ źbić samalot pastupiła ŭ štab ATA zanadta pozna.
Advakaty padazravanaha śćviardžali, što ich padabaronnamu nielha znachodzicca pad vartaj pa stanie zdaroŭja, bo ŭ Nazarava dyjahnastavana katarakta adnaho voka.
14 červienia prarasijskija terarysty źbili vajenna-transpartny samalot Ił-76 nad aeraportam ŭ Łuhansku, zahinuli 49 desantnikaŭ.