Maskva zapluščyła Voka Saŭrona praz palityku i relihiju
U dzień premjery filma «Chobit. Bitva piaci vojskaŭ» nad adnym z budynkaŭ Maskva-Sici musiła raspluščycca Voka Saŭrona, art-instalacyja adnoha ź simvałaŭ epapiei. Ale art-prajekt skasavali praz reakcyju z boku hramadstva.
Art-hrupa «Śviečienije» raspaviała na Facebook, što vymušanaja spynić prajekt, jaki ładziŭsia jak fanackaja akcyja.
«Prajekt nie maje relihijnaha i palityčnaha padtekstu. I nie žadajučy niehatyvu ŭ jakoj-niebudź formie, spyniajem padrychtoŭku prajekta»,
— pišuć jany.
Prajekt prynosić prabačeńni tym, čyje pačućci zakranuła Voka Saŭrona dy śćviardžaje, što nie čakała niehatyŭnaj reakcyi z boku hramadstva.
Saŭron u ramanach Dž. Tołkijena — nižejšy duch (majar), jaki staŭ hałoŭnym voraham volnych narodaŭ Mižziemja. Nad viežaj krepaści Barad-dur, što stała stalicaj Mordara, uzvysiŭsia jaho duch, jaki staŭ simvałam pryhniotu i strachu. U filmach Pitera Džeksana hety duch, Voka Saŭrona, pakazany padobnym da płanietarnaha dysku zorki Famalhaŭt.