Surykaŭ: Tema zabarony pastavak biełaruskaj pradukcyi ŭ Rasiju moža być zakryta ciaham 10 dzion
Tema zabarony pastavak biełaruskaj pradukcyi ŭ Rasiju moža być zakryta na praciahu dziesiaci dzion. Pra heta siońnia ŭ efiry telekanała «Biełaruś 1» zajaviŭ pasoł Rasii ŭ Biełarusi Alaksandr Surykaŭ.
Dypłamat adznačyŭ, što nahladnyja arhanizacyi, urady dźviuch krain znajšli rašeńnie. U Biełaruś užo prybyła vialikaja delehacyja Rassannahladu. Idzie pravierka pradpryjemstvaŭ «na pradmiet likvidacyi usialakich čutak, zdahadak i zabaron», skazaŭ Alaksandr Surykaŭ. «Dumaju, što pry razumnym padychodzie na praciahu dzion dziesiaci hetaja tema zakryjecca», — adznačyŭ jon.
Siońnia ŭ Maskvie adbyłosia pasiadžeńnie Savieta JEEK. Jaho vyniki dazvalajuć raźličvać, što ŭžo z 11 śniežnia častka biełaruskich pradpryjemstvaŭ adnović pastaŭki pradukcyi ŭ Rasiju.