Łukašenka — Parašenku: Kažy kali što, my za sutki zrobim, što ty paprosiš
Foto BiełTA.
Biełaruś hatova zaŭsiody akazvać dapamohu Ukrainie, zajaviŭ siońnia Alaksandr Łukašenka na sustrečy ŭ Kijevie ź Piatrom Parašenkam, pieradaje karespandent BiełTA.
«Ja chaču, kab va Ukrainie było dobra. Mnohija heta razumiejuć, jak niejkija hulni i h.d. Ja viedaju, što vy nie tak heta ŭsprymajecie. Vy Prezident, vam baluča. Mnie taksama baluča. I ja z hetaha zychodžu», — adznačyŭ biełaruski lidar.
«Tamu, kali treba budzie, ja vam jašče raniej skazaŭ: treba budzie ad Biełarusi niešta — skažy, my tabie za sutki ŭsio zrobim, što ty paprosiš.
Usio, što prezident Ukrainy ni prasiŭ, publična havaru, my zaŭsiody ŭsio rabili. I tak budzie nadalej», — padkreśliŭ Łukašenka.
«Dla nas heta nie hulnia. Nie tolki tamu, što tavaraabarot, a tamu, što my susiedzi, my pobač žyviom, my rodnyja ludzi», — dadaŭ jon.
«Mnie havorać: voś Łukašenka tam niečaha baicca. Ja nie bajusia, - padkreśliŭ kiraŭnik biełaruskaj dziaržavy. — Davajcie heta rabić niepublična. Davajcie naohuł nikomu havaryć ničoha nie budziem, a budziem rabić tajna, ale tolki, kab byŭ prahres u hetym napramku».
Alaksandr Łukašenka paprasiŭ Piatra Parašenku nie havaryć pra jahonuju zasłuhu adnosna minskich damoŭlenaściej. «Vy pazvanili mnie: arhanizuj, dapamažy, našy ludzi pryjeduć, pryjeduć pradstaŭniki. Ja arhanizatar, ja nie miratvorac i nie pasrednik», — skazaŭ biełaruski lidar.
Łukašenka źviarnuŭ uvahu na toje, što, niahledziačy na situacyju va Ukrainie, dvuchbakovy tavaraabarot nie ŭpaŭ, a naadvarot demanstruje rost.
Bolš taho, Ukraina siońnia zacikaŭlena ŭ kupli biełaruskich tavaraŭ pa šyrokim śpiektry. «U nas naohuł niama ni centa zapazyčanaści z boku Ukrainy. Poŭnaściu stapracentna apłačany našy kantrakty z vami», — adznačyŭ Alaksandr Łukašenka.