U Adesie ŭzarvali vałanciorski centr
U susiednich damach vylecieli šyby, a ŭ mašynaŭ — vyrvała dźviery.
U niadzielu ŭ 22.40 u centry Adesy prahrymieŭ čarhovy vybuch. Uzarvali vałanciorski centr dapamohi bajcam ATA, jaki znachodzicca na skryžavańni Himnazičnaj i Małoj Arnauckaj. La ŭvachodu ŭ pamiaškańnie vylecieli ralety, akramia taho, vybuchovaj chvalaj vyrvała dźviery pryparkavanaj pobač mašyny. U voknach susiednich damoŭ vybiła šyby.
- My pačuli hučny hłuchi chłapok, ale siła vybuchu była nastolki vialikaja, što ŭ našych kvaterach lasnuła, byccam u šaścibalny ziemlatrus, — kaža žychar susiedniaha doma.
Jak miarkujecca, tratyłavy pakiet pakłali kala ŭvachodu ŭ budynak. Na ščaście abyšłosia biez achviar, u momant vybuchu ŭ pamiaškańni nikoha nie było.