Aland: Sankcyi suprać Rasii buduć spynienyja, kali vyrašycca pytańnie Ukrainy
Ekanamičny kryzis u Rasii nie moža pajści na karyść Jeŭrasajuzu, i ŭviadzieńnie sankcyj u dačynieńni da Maskvy pavinna spynicca.
Takuju pazicyju vykazaŭ prezident Francyi Fransua Aland, vystupajučy ŭ efiry radyjostancyi France Inter.
Hałoŭnaj umovaj hetaha jon nazvaŭ ŭrehulavańnie kanfliktnaj situacyi va Ukrainie.
«Kali ŭ Rasii kryzis, heta zusim nie niasie ničoha dobraha dla Jeŭropy, — skazaŭ francuski lidar. — Ja nie vystupaju za palityku najhoršaha i liču, što zaraz sankcyi pavinny być spynienyja».
Pry hetym Aland skazaŭ, što režym sankcyj zastaniecca ŭ raniejšym farmacie, kali bakam nie ŭdasca damahčysia prasoŭvańnia pa ŭkrainskim pytańni.
«Jany pavinny być źniatyja, kali buduć kroki napierad (pa Ukrainie). Kali ž takich krokaŭ nie budzie, sankcyi zachavajucca», - zajaviŭ Aland.