Kurs jeŭra da dalara źniziŭsia da 9-hadovaha minimumu
Kurs jeŭra ŭ adnosinach da dalara dasiahnuŭ svajho minimumu za apošnija dzieviać hadoŭ. Inviestary ličać, što Jeŭrapiejski centrabank moža pajści na šerah stymulujučych mier.
Kurs jeŭrapiejskaj valuty apuściŭsia da 1,1864 dalara — heta samy nizki ŭzrovień z sakavika 2006 hoda.
Padzieńnie jeŭra paśledavała za prahnozam kiraŭnika Jeŭrapiejskaha centralnaha banka Marya Drahi ab źnižeńni cenaŭ. U intervju niamieckaj haziecie Handelsblatt Drahi skazaŭ, što ŭ jeŭrazonie pavialičyłasia ryzyka deflacyi, abo padzieńnia cenaŭ.
Na źnižeńnie kursu jeŭrapiejskaj valuty paŭpłyvała taksama palityčnaja situacyja ŭ Hrecyi, dzie parłamient krainy nie zmoh abrać prezidenta ŭ chodzie treciaha tura hałasavańnia.