Homielski vinarobny zavod zajaviŭ ab svaim bankructvie
AAT «Homielski vinarobny zavod» abviaściła ab svajoj ekanamičnaj niepłaciežazdolnaści.
Pra heta paviedamiła Big Rate adna z kampanij, jakoj pradpryjemstva pavinna bujnuju sumu hrošaj.
Zychodziačy z dakumientaŭ, pradstaŭlenych firmie Homielskim vinarobnym zavodam, pradpryjemstva 18 śniežnia 2014 hoda padało zajavu ŭ Ekanamičny sud Homielskaj vobłaści z prośbaj pryznać jaho bankrutam. Zajaŭnik užo abraŭ kandydata na rolu antykryzisnaha kiraŭnika. Jon pasprabuje «reanimavać» zavod, 99,55% akcyj jakoha naležyć dziaržavie.
Da ciapierašniaha momantu kredytory padali ŭ sud na arhanizacyju bolš za 70 iskavych zajaŭ z patrabavańniami raźličycca pa daŭhach i stali ŭ čarhu ŭ čakańni vypłat.
Nahadajem, homielski vinarobny zavod — adno ź viadučych pradpryjemstvaŭ haliny ŭ Respublicy Biełaruś pa vytvorčaści pładovych vinaŭ, zasnavanaje ŭ 1925 hodzie. U śniežni 2001 hoda vinzavod staŭ kamunalnym daččynym unitarnym pradpryjemstvam, u 2011-m — dziaržaŭnym.
AAT «Homielski vinarobny zavod» stvorana na padstavie rašeńnia Homielskaha abłasnoha vykanaŭčaha kamiteta ad 8 śniežnia 2011 hoda šlacham pieraŭtvareńnia kamunalnaha daččynaha unitarnaha pradpryjemstva «Homielski vinarobny zavod». Na zavodzie ŭ 2011-m byŭ adnoŭleny vypusk likiora-harełačnych vyrabaŭ, zroblenyja i adpraŭlenyja ŭ handlovuju sietku partyi horkich nastojek.