U Paryžy abvieščany maksimalny ŭzrovień terarystyčnaj pahrozy
U Paryžy abvieščany maksimalny ŭzrovień terarystyčnaj pahrozy, paviedamlajuć infarmahienctvy.
U staličnym rehijonie Il-de-Frans abvieščany najvyšejšy ŭzrovień terarystyčnaj pahrozy. Miescy ź vialikaj kolkaściu ludziej uziatyja pad uzmocnienuju achovu. Pavyšanyja miery biaśpieki ŭviedzieny taksama ŭ ofisach paryžskich vydańniaŭ.
Jak paviedamlałasia, nieviadomyja siońnia adkryli stralbu ŭ ofisie satyryčnaha časopisa Charlie Hebdo. Pavodle apošnich dadzienych, zahinuli 12 čałaviek, siarod ich hałoŭny redaktar vydańnia. Jašče piaciora čałaviek znachodziacca ŭ krytyčnym stanie. Napad ździejśnili dvoje ŭzbrojenych mužčyn u maskach. Im udałosia ŭciačy ź miesca złačynstva na aŭtamabili, vidavočcy zafiksavali hety momant na videa. Pošuki padazronych praciahvajucca.
Prezident Francyi Fransua Ałand, jaki prybyŭ na miesca zdareńnia, nazvaŭ zdareńnie teraktam. U suviazi z apošnimi padziejami sklikajecca terminovaje pasiadžeńnie kabinieta ministraŭ.