Śviata «Ščadrucha — kaladnaja viesiałucha» — 17 studzienia ŭ Stročycach
Śviata «Ščadrucha — kaladnaja viesiałucha» projdzie 17 studzienia ŭ Biełaruskim dziaržaŭnym muziei narodnaj architektury i pobytu (Stročycach), paviedamili arhanizatary mierapryjemstva.
Padčas śviataŭ u Stročycach stała tradycyjaj znajomić naviedvalnikaŭ z unikalnymi biełaruskimi abradami. U hety raz Biełaruski dziaržaŭny muziej narodnaj architektury i pobytu prezientuje tradycyjnuju moładzievuju hulniu «Piačy kata», taksama haściam pradstaviać tradycyi śviatkavańnia Chryščeńnia ŭ sialanskaj siamji kanca XIX — pačatku XX stahodździa.
Padčas śviata projduć majstar-kłas pa vyrabie abiareha «Pavuk», konkurs na lepšuju tradycyjnuju kaladnuju masku i konkurs dziciačaha malunka «Kaladny kot». Haściej čakajuć kaladnyja varožby, hulni i zabavy, kancertnaja prahrama ad falkłornych kalektyvaŭ Minska i Minskaj vobłaści, lalečny teatr «Batlejka», konkurs «Kaladnaja zorka» i inšyja zabavy.
Usiaho ŭ Minskaj vobłaści zapłanavana 95 kaladnych mierapryjemstvaŭ, u śviatočnym kalendary centralnaha rehijonu — etnaviečarynki, abrady, piesiennyja festy, vystavy malunkaŭ i suvienirnych jołak, teatralnyja pakazy. Zavieršacca kaladnyja hulańni ŭ vobłaści śviatami 25 studzienia ŭ Vałožynskim, Vilejskim, Miadzielskim i Staŭbcoŭskim rajonach.