U ZŠA ŭžo lutuje hryp, siarod achviar małyja dzieci
HealthDay publikujuć dadzienyja, što epidemijaj achoplenyja ŭžo 43 štaty, ŭžo 21 dzicia pamierła ŭ vyniku hetaj infiekcyi.
Pieravažaje, pa dadzienych Centraŭ pa kantroli i prafiłaktycy zachvorvańniaŭ, štam H3N2. Pra hety štam viadoma, što sioletniaja vakcyna nie vielmi efiektyŭnaja suprać takoj formy hrypu. Užo ŭtraja pavysiłasia kolkaść ambułatornych zvarotaŭ (6% u paraŭnańni z bazavymi 2%).
Pa słovach Majkła Džanha, hryp dasiahaje ŭzroŭniu epidemii ŭ Złučanych Štatach štohod
Miedyki pakul nie śpiašajucca nazvać hety siezon vyklučna ciažkim, bo kančatkova statystyku možna budzie analizavać tolki ŭviesnu. U asobnyja hady śmiarotnaść siarod dziaciej dasiahała 170 čałaviek. Kožny hod, u siarednim, ad 5 da 20 pracentaŭ nasielnictva ZŠA pieranosić ciažkuju formu hrypu, i bolš za 200 000 čałaviek traplajuć u špital praz uskładnieńni. U pieryjad 30-hadovaha nazirańnia, z 1976 pa 2006 hod, śmiarotnaść ad hetych pryčyn źviazanych z hrypam u ZŠA vahałasia ad nizkaha ŭzroŭniu prykładna ad 3000 da vysokaha ŭzroŭniu kala 49 000 čałaviek, paviedamlaje ahienctva.
Nahadajem, što ŭ Biełarusi ŭ 2014 hodzie nie zarehistravana nivodnaj śmierci ad hrypu. Ale pryčyna hetaha — prosta inšaja sistema ŭliku. U nas dyjahnaz «hryp» ciapier vystaŭlajuć tolki paśla imunałahičnych (sierałahičnych) daśledavańniaŭ syvaratki kryvi. Tearetyčna analiz zajmaje niekalki hadzin. Praktyčna vyniki analizaŭ na VIČ dy sifilis (najbolš viadomyja biełarusam sierałahičnyja proby) iduć u palikliniku nie adzin dzień, što značna źnižaje cikaŭnaść da hetaha sposabu dyjahnostyki jak lekaraŭ, tak i pacyjentaŭ, pahatoŭ što lačeńnie ŭsich form VRZ adbyvajecca pa adnoj schiemie. Tak što nieŭzabavie hryp u Biełarusi budzie źniščany kančatkova…