Wargaming vyklučany z kacirovačnaha śpisu Kiprskaj fondavaj biržy
Kiprskaja fondavaja birža spyniła 13 studzienia kaciroŭki akcyj Wargaming, raspracoŭščyka papularnaj hulni World of Tanks. Birža ŭžo atrymała dazvoł na delistynh papier kampanii ad miascovaha rehulatara, paviedamlajuć «Viedomosti».
U śniežni 2014 hoda rada biržy paprasiła Kamisiju pa kaštoŭnych papierach Kipra dazvolić pravieści delistynh akcyj raspracoŭščykaŭ World of Tanks. Kampanija Wargaming nie vykonvała šerah patrabavańniaŭ biržy, siarod jakich publikacyja finansavych spravazdač.
«Prysutnaść na biržy nie adpaviadaje stratehičnamu viektaru raźvićcia Wargaming i tamu niemetazhodna», — zajaŭlaŭ raniej pradstaŭnik kampanii. Pavodle jaho słovaŭ, zychod ź biržy nijak nie adabjecca na finansavych pakaźnikach Wargaming.
Pa źviestkach za krasavik 2013 hoda u svabodnym abarocie znachodziłasia pryblizna 2% akcyj kampanii. Astatnimi vałodajuć zasnavalnik i hiendyrektar Viktar Kisły, jaho baćka i dva inšyja top-mieniedžary kampanii.