Žurnalistku Alinu Litvinčuk aštrafavali na 5,4 młn rubloŭ za pracu biez akredytacyi
Takoje rašeńnie ŭ dačynieńni da bresckaj niezaležnaj žurnalistki vynies sud Leninskaha rajona abłasnoha centra.
Niezaležnuju žurnalistku abvinavacili ŭ niezakonnym vyrabie i raspaŭsiudzie infarmacyi pavodle sumnaviadomaha artykuła 22.9 č.2 Kodeksa RB ab administracyjnych pravaparušeńniach. U pryvatnaści, u materyjałach razhledžanaj ŭ sudzie spravy fihuravała «pieriedača infarmacyi» pra dziejnaść Bresckaha abłasnoha adździaleńnia arhanizacyi «Chryścijanskaja sadružnaść darosłych i maładych» (YMCA), jakoj była pryśviečana publikacyja na sajcie «Biełaruskaha Radyjo Racyja».
«Ja admoviłasia davać jakich-kolviek pakazańni, – raspaviała Alina Litvinčuk. – Sud zrabiŭ vysnovy na padstavie pakazańniaŭ śviedki – pradstaŭnika YMCA Alaksandra Dračuka. Sudździa Śviatasłaŭ Kalina, vysłuchaŭšy śviedku, navat nie vychodziŭ u daradčy pakoj, bo mieŭ pry sabie padrychtavanaje rašeńnie, jakoje adrazu ž začytaŭ. Vidavočna, što ŭ dadzienym vypadku parušany maje pravy ŭ adpaviednaści z Kanstytucyjaj Respubliki Biełaruś, jakaja harantuje kožnamu hramadzianinu prava na bieśpieraškodny zbor i raspaŭsiud infarmacyi».
Alina Litvinčuk zajaviła, što budzie abskardžvać pastanovu.