Viadomy tadžykski advakat prysudžany da dzieviaci hadoŭ turmy
rus.ozodi.org
Sud u Dušanbe prysudziŭ da dzieviaci hadoŭ turemnaha źniavoleńnia ŭ kałonii strohaha režymu viadomaha tadžykskaha advakata Šuchrata Kudratava, pryznaŭšy jaho vinavatym u dačy chabaru i machlarstvie.
Pavodle viersii śledstva, Šuchrat Kudrataŭ prapanavaŭ hrašovuju ŭznaharodu sudździ, jaki vioŭ spravu adnaho z padabaronnych advakata, adnak sam Šuchrat Kudrataŭ admaŭlaje hetyja abvinavačvańni.
Šuchrat Kudrataŭ u minułym braŭ udzieł u hučnych sudovych pracesach krainy, u pryvatnaści jon byŭ adnym z abaroncaŭ viadomaha pradprymalnika i eks-palityka Zajdzita Saidava.
Jaho advakackaja i pravaabarončaja dziejnaść vyklikała rezkuju niezadavolenaść tadžykskich uładaŭ. Sam advakat nieadnarazova zajaŭlaŭ pra pieraśled i zapałochvańni z boku tadžykskich čynoŭnikaŭ.
Kudrataŭ byŭ zatrymany ŭ minułym hodzie pa padazreńni ŭ dačy chabaraŭ i machlarstvie. Abarona advakata zajaviła, što nivodnaje z pradjaŭlenych abvinavačvańniaŭ nie znajšło paćvierdžańniaŭ, ale sud nie pryniaŭ nivodzin z dovadaŭ abarony.