Kibarhi: Bajeviki vystavili ŭltymatum, patrabujuć zdać Daniecki aeraport, abo jon budzie zraŭniany ź ziamloj
Bajeviki vystavili ŭltymatum bajcam u Danieckim aeraporcie. Kali da 17:00 (18:00 pa Minsku) bajcy Uzbrojenych sił Ukrainy nie pakinuć Daniecki aeraport — artyleryja i tanki prarasijskich bajevikoŭ zraŭniajuć jaho ź ziamloj.
Pra heta paviedamiŭ adzin z «kibarhaŭ» [tak nazyvajuć ukrainskich vajskoŭcaŭ, što abaraniajuć aeraport — NN] niepasredna z Danieckaha aeraporta.
«Nas bjuć z dvuch bakoŭ tankami z 400 mietraŭ i artyleryjaj. Padtrymki našaj artyleryi niama. Da 17:00 bajeviki dali čas syści z novaha terminała. Kali my hetaha nie zrobim, terarysty nas tut prosta źniščać. Terminał całkam prastrelvajecca.
Ale my nikudy nie pojdziem. My nie źbirajemsia adstupać. Nas try dni źniščajuć ciažkaj artyleryjaj. Tut užo ničoha nie zastałosia. My čakajem padtrymku», — paviedamiŭ adzin z bajcoŭ.
Vajskoŭcy prosiać kamandavańnie dasłać padmohu i dać kamandu artyleryi źniščyć terarystaŭ. Adstupać kibarhi nie majuć namieru.
U aeraporcie Daniecka bajeviki źniščyli dyśpietčarskuju viežu