Na vokładcy śviežaha numara Charlie Hebdo budzie prarok Muchamied
Zaŭtra ŭ śviet vyjdzie pieršy numar francuzskaha satyryčnaha vydańnia paśla napadu na jahonuju redakcyju terarystaŭ, u vyniku jakoha zahinuli 12 čałaviek.
Na vokładcy zaŭtrašniaha numara časopisa budzie adlustravany prarok Muchamied, jaki trymaje ŭ rukach nadpis Je suis Charlie («Ja - Šarli»). Nad jaho vyjavaj napisana tout est pardonné («usio daravana»).
Zvyčajna časopis vychodzić nakładam 60 tysiač asobnikaŭ, ale pieršy numar paśla napadaŭ terarystaŭ płanavali nadrukavać miljonnym tyražam. Zaraz havorycca pra toje, što redakcyja hatova nadrukavać try miljony asobnikaŭ. Numar byŭ padrychtavany siłami supracoŭnikaŭ redakcyi vydańnia, što zastalisia ŭ žyvych.