«Družba» padaražeła
Urad Biełarusi padtrymaŭ prapanovu Ministerstva ekanomiki ab padvyšeńni transpartnaha taryfu za tranzyt rasiejskaj nafty pa biełaruskaj terytoryi na 15,7—16,7%, što pryniasie ŭ biudžet dadatkovyja $31 młn.
Urad Biełarusi padtrymaŭ prapanovu Ministerstva ekanomiki ab padvyšeńni transpartnaha taryfu za tranzyt rasiejskaj nafty pa biełaruskaj terytoryi na 15,7—16,7%, što pryniasie ŭ biudžet dadatkovyja $31 młn.
Rasiejskaje Minpramenerha rašeńnie biełaruskaha boku nazvała apraŭdanym, a padvyšeńnie taryfu niaznačnym, što nie adabjecca na abjomach ekspartu, adznačaje rasiejski «Kommiersant». Tym bolš, što biełaruskaje Minenerha arhumentvała svaju inicyjatyvu dziejańniami rasiejskaj kampanii «Tranśniefť», jakaja padvysiła transpartnyja taryfy ŭ 2008 hodzie ŭ siarednim na 19,4%.
Rasiejskija eksperty, siarod ich, Valer Nieścieraŭ z «Trojki Diałoh», pres-sakratar «Hazprom niefti» Natalla Viałkina, dy inšyja, nia bačać ničoha strašnaha ŭ padvyšeńni taryfaŭ i miarkujuć, što rola trubapravodu «Družba» pa abjektyŭnych pryčynach budzie źnižacca: uschodnieerapiejskija NPZ majuć alternatyŭnyja krynicy pastavak syraviny, a ŭ samoj Rasiei vyśpiavaje ideja naroščvańnia ŭłasnaj pierapracoŭki nafty. Jaskrava pra heta śviedčać i nastupnyja ličby: u čaćviortym kvartale 2007 hodu praz «Družbu» prajšło 21,5 młn t nafty, a ŭ pieršym kvartale biahučaha hodu zaplanavana pastavić užo 18,5 młn t.
Pa terytoryi Biełarusi z ulikam pastavak nafty na Mazyrski NPZ prachodzić kala 81 młn t rasiejskaj nafty. Prybytak Biełarusi ad jaje tranzytu za minuły hod aceńvajecca ŭ $196,2 młn.