Pamior čałaviek, jaki pieršym uzyšoŭ na Everest
Histaryčnaje ŭzychodžańnie na 8850‑metrovy pik jon ździejśniŭ z šerpam Tenzinham Norhajem 29 traŭnia 1953 h.
Histaryčnaje ŭzychodžańnie na 8850‑metrovy pik jon ździejśniŭ z šerpam Tenzinham Norhajem 29 traŭnia 1953 h. Z taho času alpinist pryśviaciŭ siabie palapšeńniu žyćcia šerpaŭ u nepalskim rajonie Kchumbu, dziakujučy čamu ŭ 2003 h. staŭ hanarovym hramadzianinam hetaj krainy.
Zdaroŭje sera Edmunda, miarkujučy pavodle niekatorych paviedamleńniaŭ, pastajanna paharšałasia z krasavika minułaha hodu, kali jon padčas čarhovaj pajezdki ŭ Nepał raptam adčuŭ siabie kiepska.
«Typovy kivi»
Jon naradziŭsia 19 lipienia 1919 h. u novazelandzkim Oklendzie. U hady Druhoj suśvietnaj słužyŭ vajennym lotčykam, a potym zavajavaŭ viadomaść jak alpinist i hlacyolah. U 1980‑yja byŭ taksama pasłom Novaj Zelandyi ŭ Indyi.
Chiłary i Norhaj |
Abjaŭlajučy pra śmierć padarožnika, premjer‑ministar Novaj Zelandyi Chielen Kłark nazvała jaho «hierojem, jaki nia prosta pakaryŭ Everest, ale pražyŭ žyćcio, napoŭnienaj idejaj, ścipłaściu i ščodraściu».
«Lehiendarny alpinist, šukalnik pryhodaŭ i filantrop — samy viadomy novazelandziec z usich, što žyli dahetyl, ‑‑ skazała premjer‑ministar. — U pieršuju čarhu jon byŭ typovy kivi».
Kivi — ptuška, što nia lotaje i žyvie tolki ŭ Novaj Zelandyi, i žychary hetaj krainy niaredka siabie nazyvajuć hetym słovam.
«Jon byŭ našym va ŭsim: ad jahonaj hrubavataj źniešnaści da lakaničnaści, ad jaho prostaści da ščyraści. Usie novazelandcy buduć hłyboka spačuvać», — skazała Chielen Kłark.