Łukašenka viartajecca da «šmatvektarnaj palityki»
Na nastupny dzień pa razmovie z Pucinym Alaksandar Łukašenka pravioŭ naradu pa pytańniach unutranaj i zamiežnaj palityki na 2008 hod. Jahonaja pres-słužba akcentuje “nieabchodnaść praviadzieńnia šmatvektarnaj palityki” i “stvareńnia ŭmovaŭ dla pracy bujnych zamiežnych investaraŭ u respublicy”.
Na nastupny dzień pa razmovie z Pucinym Alaksandar Łukašenka pravioŭ naradu pa pytańniach unutranaj i zamiežnaj palityki na 2008 hod. Jahonaja pres-słužba akcentuje «nieabchodnaść praviadzieńnia šmatvektarnaj palityki» i «stvareńnia ŭmovaŭ dla pracy bujnych zamiežnych investaraŭ u respublicy».
Kali i supadzieńnie, dyk šmatznačnaje: na nastupny dzień paśla razmovy z prezydentam Rasiei kiraŭnik Biełarusi akcentuje ŭvahu na «nieabchodnaść praviadzieńnia šmatvektarnaj palityki».
Z hetaha imperatyvu pačynajecca paviedamleńnie pra naradu pres-słužby A. Łukašenki. Ni słova pra «sajuznuju dziaržavu».
Pres-słužba taksama paviedamlaje, što na naradździe išła havorka pra «ŭmacavańnie suviaziaŭ z asnoŭnymi handlovymi partniorami krainy, pryciahnieńni naŭprostavych zamiežnych investycyj, stvareńni maksymalna spryjalnych umovaŭ dla pracy bujnych zamiežnych investaraŭ u respublicy na asnovie pryncypu ŭzajemavyhadnaha supracoŭnictva».
Taksama na naradzie, jak paviedamlajecca, abmiarkoŭvalisia «pryjarytetnyja nakirunki raźvićcia biełaruskaj ekanomiki i jaje dalejšaj intehracyi ŭ ahulnuju systemu mižnarodnych ekanamičnych adnosinaŭ», a taksama temy impartazamiaščeńnia i raźvićcia finansavaj systemy.
U svaim niadaŭnim artykule dla ahienctva BiełTA Michaił Miaśnikovič ściaviardžaŭ nieabchodnaść uklučeńnia biełaruskaj haspadarki ŭ łancuhi transnacyjanalnych karaparacyj.
Pad eŭfemizmam pra «šmatvektarnuju palityku» ŭ minułyja hady A. Łukašenka prychoŭvaŭ sproby — pieravažna niaŭdałyja — asłableńnia zaležnaści ad Rasiei.