U mienskich sudach asudžanyja 23 demanstranty, amal usie atrymali pa 15 sutak
Tacianie Ciškievič dali ažno 20 sutak aryštu.
Amal usie atrymali pa 15 sutak aryštu. Jany byli pakaranyja za «drobnaje chulihanstva» i «ŭdzieł u niesankcyjanavanaj akcyi». Siarod asudžanych viadomy palityk Anatol Labiedźka i dziejač pradprymalnickaha ruchu Anatol Šumčanka.
20 sutak — najbolš za ŭsich — atrymała Taćciana Ciškievič. Voś što kaža pravaabaronca Valancin Stefanovič:
«Raniej bolšy termin pahłynaŭsia mienšym i bolš za 15 sutak nie vynosiłasia. A zaraz, pavodle novaha administracyjnaha kodeksu, terminy składvajucca. I ŭličvajučy, što jana, vidać, užo nieadnarazova pryciahvałasia da administracyjnaj adkaznaści, sudździa vyrašyŭ joj vynieści nie 15, jak usim, a 20 sutak».
Pavodle słovaŭ Stefanoviča, ahułam, z ulikam tych aktyvistaŭ, jakija byli zatrymanyja previentyŭna napiaredadni akcyi, za kraty patrapiła kala 25 čałaviek.