Niećviarozyja chłopcy ŭ elektryčcy Minsk — Stoŭbcy vykinuli ŭ akno 20 siadzieńniaŭ
Supracoŭniki milicyi Minskaha adździeła ŭnutranych spraŭ na transparcie zatrymali za chulihanstva dvuch maładych ludziej.
Padčas pajezdki ŭ elektraciahniku, jaki ruchaŭsia pa maršrucie Minsk — Stoŭbcy, niećviarozym chłopcam vielmi nie spadabalisia miescy dla siadzieńnia. Pryčym nie spadabalisia nastolki, što jany pačali vyryvać z macavańniaŭ miakkija častki kanstrukcyj i vykidvać ich u akno.
Takim čynam było paškodžana bolš za 20 pasažyrskich siadzieńniaŭ. Ahulny ŭron acenieny ŭ Br15 młn.
19-hadovy zatrymany, biespracoŭny žychar Minskaha rajona, raniej sudzimy za kradziažy. Jaho 21-hadovy tavaryš pracuje ślesaram na adnym z pradpryjemstvaŭ u horadzie Dziaržynsku Minskaj vobłaści. Maładyja ludzi patłumačyli svaje pavodziny ałkaholnym apjanieńniem.
Pa fakcie chulihanskich dziejańniaŭ pravodzicca pravierka.