Žychary Bresta źviartajucca z apošniaj nadziejaj: «Dapamažycie vyratavać našu dačku Złatu»
Ź biezvychodnaj situacyjaj źviarnulisia ŭ redakcyju Onliner.by žonki Juryj i Anastasija Hierasimuk z Bresta. U ich siamji ŭžo try hady advažna zmahajecca za žyćcio małodšaja dačka Złata. Dziaŭčynka naradziłasia ź ciažkim parokam serca. Zaraz vyratavać małuju moža daśviedčany chirurh Viktar Chraškie ź niamieckaha kardyjacentra «Asklepias». Košt žyćci dziaŭčynki — €45 000.
Złata była žadanym dziciem u siamji. Ale na trecija sutki paśla rodaŭ Hierasimuki sutyknulisia z sapraŭdnaj biadoj: u dziaŭčynki vyjavili šum u sercy. Potym UHD pakaža, što ŭsiamu vinoj pašypany parok. Miesiacy kropielnic, analizaŭ, rasšyfrovak kardyjahram, składanaja apieracyja pa zvužeńni lohačnaj arteryi.
— «Jak vaša dziaŭčynka naohuł jašče žyvaja z takim sercam!» — voś što skazali nam lekary ŭ mienskim centry, — uspaminaje Anastasija Hierasimuk. — Ale naša dvuchmiesiačnaja na toj momant Złatka ŭsich ździviła! Pry jaje składanym dyjahnazie jana zmahałasia za žyćcio, jak maleńki sałdat.
Nastupnyja miesiacy prachodzili ŭ napružanym čakańni. Złacie pavinny byli zrabić apieracyju, ale lekary adciahvali jaje z-za techničnaj składanaści zakryć usie defiekty ŭ dziciačym sercy. U historyi chvaroby tak i pisali — «padabienstva šviejcarskamu syru».
Apieracyju ŭ vyniki pryznačyli na lipień 2014 hoda. Ale jana nie adbyłasia. Vyśvietliłasia, što ŭ biełaruskich miedykaŭ brakuje chirurhičnaj praktyki ŭ takim vidzie paroka. Baćki Złaty nie zdavalisia: vysyłali analizy dački ŭ mnohija kliniki Rasii, Litvy, Hiermanii. Narešcie doktar niamieckaha dziciačaha kardyjacentra pahadziŭsia zrabić, jak heta nazyvajecca na miedycynskaj movie, radykalnuju karekcyju na sercy. Faktyčna pahadziŭsia vyratavać dziaŭčynku.
— Zaraz samaja hałoŭnaja prablema — heta vialikaja suma, jakuju treba sabrać u pačatku lutaha. €45.000 — mienavita stolki kaštuje apieracyja. I jašče €15 000 treba, kab apłacić znachodžańnie Złaty ŭ klinicy paśla chirurhičnaha ŭmiašańnia. My robim usio, kab sabrać hetyja hrošy, ale za taki termin samastojna nam nie spravicca. Bolšuju častku sumy my ŭžo sabrali. Dziakuj ludziam! Adpraŭlajuć hrošy na raźlikovy rachunak i navat u kanviertach dasyłajuć. Chto kolki moža: pa 50 000 rubloŭ, pa 100 000. Tak i sabrałasia vialikaja suma. My nie pierastajem spadziavacca na dapamohu i vielikadušnaść ludziej, — kažuć baćki Złaty.
Davajcie adhukniemsia na dobruju spravu! Hrošy dla małoj Złaty vy možacie pieraličyć na dabračynnyja rachunki. Apieracyju treba rabić mienavita ciapier, jak maha chutčej, inakš stan dziaŭčynki niepapraŭna pahoršycca.