Rasijskija zaołahi znajšli tyhrycu z charaktaram chatniaj kotki
Supracoŭniki nacyjanalnaha parku «Ziamla leaparda» ŭ Prymorskim krai zaŭvažyli, što darosłaja tyhryca hulajecca, jak chatniaja kotka, paviedamlaje RIA Novosti.
Amurski tyhr adpačyvaje ŭ zaaparku Arehona, ZŠA. Fota: oregonzoo.org
Śpiecyjalisty parku zaŭvažyli miesca palavańnie tyhrycy, a pa śladach znajšli i zdabyču — reštki samca alenia, za pajadańniem jakoha tyhryca praviała 2-3 dni. Dalejšyja ślady pakazali, što sytaja žyvioła pačała za kimści kraścisia, a zatym schapiła novuju zdabyču. Ale ni kryvi, ni poŭści na miescy nie znajšłosia.
Niedaloka ad taho miesca zaołahi znajšli staruju mužčynskuju kurtku, ź jakoj tyhryca vidavočna hulałasia.
Miarkujučy pa śladach, tyhryca adrazu zrazumieła, što abjekt nie pradstaŭlaje pahrozy, ale nie abyšła jaho i nie razadrała na šmatki, a valała i ruchała łapaj — rychtyk jak to robiać chatnija katy. A kali nahulałasia, pakinuła cacku i pajšła dalej.
Pa słovach śpiecyjalista «Ziamli leaparda» Maryi Akułavaj, na jaje praktycy heta pieršy vypadak takich pavodzin darosłaha dzikaha źviera. «Heta vidavočna kaža ab dobrym zdaroŭi, dabradušnym nastroi i peŭnym pačućci humaru u kotki, — kaža jana. Pry hetym važna padkreślić, što takija pavodziny nie havoryć pra niebiaśpieku, jakuju hety źvier moža pradstaŭlać dla ludziej».