Makiej pravioŭ sustrečy na vysokim uzroŭni ź jeŭrapiejskimi čynoŭnikami
Ministr zamiežnych spraŭ Uładzimir Makiej na 51-j Miunchienskaj kanfierencyi pa pytańniach biaśpieki zaklikaŭ pradstaŭnikoŭ krain ES da chutčejšaha pieravodu dvuchbakovaha ŭzajemadziejańnia ŭ narmalnaje kanstruktyŭnaje rečyšča.
8 lutaha zaviaršyŭsia rabočy vizit Uładzimira Makieja ŭ Hiermaniju. Kiraŭnik biełaruskaha źniešniepalityčnaha viedamstva pryniaŭ udzieł u pracy 51-j Miunchienskaj kanfierencyi pa pytańniach biaśpieki, jakaja źjaŭlajecca adnym z najbolš pradstaŭničych i aŭtarytetnych mižnarodnych forumaŭ pa pytańniach palityki biaśpieki i supracoŭnictva ŭ vajennaj śfiery.
U chodzie kanfierencyi Uładzimir Makiej pravioŭ dvuchbakovyja sustrečy ź Fiederalnym ministram zamiežnych spraŭ FRH Frankam-Valteram Štajnmajeram, namieśnikam staršyni Jeŭrakamisii - Vysokim pradstaŭnikom Jeŭrasajuza pa pytańniach ahulnaj źniešniaj palityki i palityki biaśpieki Fiederyka Mahieryni, ministrami zamiežnych spraŭ Italii, Jehipta, Kienii, Afhanistana, ministram abarony Pakistana, kalehami z šerahu inšych krain.
U chodzie hutarak z pradstaŭnikami z krain ES ministr davioŭ padychody biełaruskaha boku pa dalejšym raźvićci dyjałohu z Bruselem, zaklikaŭ da chutčejšaha pieravodu dvuchbakovaha ŭzajemadziejańnia ŭ narmalnaje kanstruktyŭnaje rečyšča. Pry abmierkavańni kanfliktu va Ŭkrainie jon padkreśliŭ nastojlivuju nieabchodnaść chutčejšaha spynieńnia ahniu pamiž kanfliktujučymi bakami. Taksama Uładzimir Makiej davioŭ surazmoŭcam biełaruskija prapanovy pa ŭrehulavańni situacyi ŭ rehijonie.
U ramkach raboty pa dyviersifikacyi biełaruskaha ekspartu z pradstaŭnikami Afhanistana, Jehipta, Kienii i Pakistana abmierkavany šlachi intensifikacyi handlova-ekanamičnaha supracoŭnictva. Dasiahnuty damoŭlenaści ab aktyvizacyi ŭzajemadziejańnia ŭ palityčnaj śfiery i na mižnarodnaj arenie.
BIEŁTA