Mierkiel, Aland, Pucin i Parašenka znoŭ abmiarkujuć Ukrainu
Siońnia adbuducca telefonnyja pieramovy pa ŭkrainskim kryzisie pamiž lidarami Ukrainy, Rasii, Hiermanii i Francyi.
Damoŭlenaść ab ich była dasiahnutaja padčas vizitu kanclera Hiermanii Anhieły Mierkiel i prezidenta Francyi Fransua Alanda ŭ Kijeŭ i Maskvu. Padčas pieramovaŭ z ukrainskim prezidentam Piatrom Parašenkam i rasijskim lidaram Uładzimiram Pucinym jany abmierkavali novyja mirnyja inicyjatyvy, padrabiaznaści jakich pakul nie vydajucca, pieradaje BBC.
Fransua Aland paviedamiŭ tolki, što prapanavany im ź Mierkiel płan praduhledžvaje stvareńnie bufiernaj zony šyrynioj 50-70 kiłamietraŭ uzdoŭž linii, jakaja padzialaje ŭkrainskija vojski i sieparatystaŭ samaabvieščanych Danieckaj i Łuhanskaj «narodnych respublik».
Ałand zajaviŭ taksama, što pieramovy, jakija prajšli ŭ piatnicu z Uładzimiram Pucinym u Kramli, byli adnoj z apošnich mahčymaściaŭ spynić eskałacyju vajennaha kanfliktu na ŭschodzie Ukrainy.