Na knižnaj vystavie možna nabyć knihi niezaležnych biełaruskich vydaviectvaŭ
Ad siońnia, 12 lutaha, dostup na CHCHII Minskuju mižnarodnuju knižnuju vystavu-kirmaš volny dla luboha. Choć bolšaść knih na vystavie — ad dziaržaŭnych vydaviectvaŭ ci zamiežnych delehacyj, pracujuć i stendy niezaležnych vydaŭcoŭ.
Valer Bułhakaŭ i Siaržuk Bachun na stendzie «ARCHE Pačatak».
Na vystavie pracuje stend časopisa «ARCHE Pačatak», na jakim možna znajści šmatlikija numary jak samoha časopisa, tak i inšyja vydańni ARCHE — naprykład, rasijska-biełaruski słoŭnik Niekraševiča i Bajkova. Stend ARCHE raźmieščany z kraju ekspazicyi ŭ hałoŭnaj zale, pobač sa stendami Vieniesueły i Pakistana.
Stend vydaviectva «Technałohija» ŭ hałoŭnaj zale.
Vydaviectva «Technałohija» zajmaje adrazu dva nievialikija stendy.
Pieršy mieścicca ŭ hałoŭnaj zale pobač sa stendam Ukrainy. Druhi — na nižnim uzroŭni, pobač z harderobam.
Knihi sa stenda «Technałohii» na nižnim uzroŭni.
Na nižnim uzroŭni možna znajści i nievialički sted vydaŭca Źmitra Kołasa.
Stend vydaŭca Źmitra Kołasa.
CHCHII minskaja mižnarodnaja knižnaja vystava-jarmarka pracuje pa adrasie: praśpiekt Pieramožcaŭ, 14 (były paviljon «Minskekspa» pobač z Pałacam Niezaležnaści) da 15 lutaha. Vystava-kirmaš adkryta ad 10-j da 19-j hadziny.
Dajechać da vystavačnaha paviljona možna na aŭtobusie №1, 29, 44, 69, 91, 119s, 136, tralejbusami №39, 77 (prypynak «Płošča Dziaržaŭnaha ściaha») ci aŭtobusam №133 i tralejbusam №33, 38, 54, 55, 68 (prypynak «Vystavačny kompleks»).