Najlepšyja zdymki 2014 hoda pavodle World Press Photo
Prestyžny mižnarodny konkurs World Press Photo nazvaŭ pieramožcaŭ 2014 hoda.
Najlepšym zdymkam hoda pryznany partret homaseksualnaj pary «Džon i Aleks», zrobleny ŭ Sankt-Pieciarburzie dackim fatohrafam Madsam Nisenam u mai 2014 hoda.
JON AND ALEX, Mads Nissen
Jak śćviardžajecca ŭ apisańni fota, žyćcio leśbijanak, homaseksuałaŭ, biseksuałaŭ i transseksuałaŭ stanovicca ŭsio bolš ciažkaj zadačaj u Rasii. Seksualnyja mienšaści sutykajucca z pravavoj i sacyjalnaj dyskryminacyjaj, pieraśledam i navat hvałtoŭnymi złačynstvami na hlebie nianaviści z boku kansiervatyŭnych relihijnych i nacyjanalistyčnych hrup.
U minułym hodzie najlepšym fota staŭ «Sihnał» amierykanskaha fatohrafa Džona Stenmiejiera, na jakim afrykanskija ŭciekačy sprabujuć datelefanavacca da rodnych u Samali. U 2013 hodzie najlepšym fota byŭ pryznany zdymak zahinułych paleścinskich dziaciej Pola Chansena.
ACCUSED, Liu Song
Fota ź sieryi MINDSUCKERS, Anand Varma
Vybaram redakcyi nazvany zdymak «Abvinavačanaja», na jakim žančyna, padazravanaja ŭ niezakonnym seks-handli, zakavanaja ŭ palicejskim učastku, i sieryja «Mazhasmoki», što raspaviadaje pra žyćcio parazitaŭ. Druhoje taksama nazvanaje lepšym siarod sieryj fota pryrody.
Pieramožcy ŭ naminacyjach:
Haračyja naviny, zdymak ISTANBUL PROTEST, Bulent Kilic
Haračyja naviny, sieryja CRIME WITHOUT PUNISHMENT, Jérôme Sessini
Hałoŭnyja naviny, zdymak KITCHEN TABLE, Sergei Ilnitsky
Hałoŭnyja naviny, sieryja EBOLA IN SIERRA LEONE, Pete Muller
Sport, zdymak THE FINAL GAME, Bao Tailiang
Sport, sieryja GROUND PASS HOLDERS, Kieran Doherty
Štodzionnaje žyćcio, zdymak THE BULL MARKET, Cai Sheng Xiang
Štodzionnaje žyćcio, sieryja MONGOLIA, BLACK GOLD HOTEL, Michele Palazzi
Partret, zdymak LAURINDA, Raphaela Rosella
Partret, sieryja MIRACLE VILLAGE, Sofia Valiente
Pryroda, zdymak MONKEY TRAINING FOR A CIRCUS, Yongzhi Chu
Doŭhaterminovyja prajekty, sieryja FAMILY LOVE 1993-2014, Darcy Padilla
Usie pieramožcy na sajcie World Press Photo >>>
Konkurs World Press Photo pravodziŭsia ŭ 58-y raz. Žury acaniła amal 98 tysiač zdymkaŭ ad 5692 fatohrafaŭ z 131 krainy śvietu.