«Chaj budziem krainaj hryboŭ!» — KNDR vynajšła 310 novych słohanaŭ
Novyja palityčnyja słohany raspaŭsiudžvajucca na ŭsie śfiery žyćcia, jakija zakranaje ideałohija čučchie.
Paŭnočnakarejski płakat
Paŭnočnaja Kareja raskryła śpis 310 novych palityčnych słohanaŭ, raspaviadaje The Guardian. Śpis byŭ apublikavany karejskim informahienctvam KCNA na 70-hodździe Rabočaj partyi.
Jany słaviać kiraŭnika dziaržavy Kim Čen Yna i dynastyju Kimaŭ, kažuć ab važnaści nadziejnych žonak i žachach amierykanskaha impieryjalizmu.
Niekatoryja sa słohanaŭ:
- «Raścicie hory fruktaŭ, i ich sałodki vodar napoŭnić pavietra ŭ mory jabłyń u padnožža pieravału Čchol!»
- «Raścicie harodninu ŭ ciaplicach!»
- «Chaj budziem krainaj hryboŭ!»
- «Hulajcie ŭ spartyŭnyja hulni ahresiŭna!»
- «Kali vorahi paśmiejuć napaści na našu Radzimu, źniščajcie ich da apošniaha!»
- «Kareja, chaj uvieś śviet viedaje ab naradžeńni jaskravaj zorki nad haroj Pektu!» (pra Kim Čen Ira, u čas naradžeńnia jakoha pavodle lehiendy nad haroj Pektu zaźziała źnička)
Adzin z uciekačoŭ z KNDR Li Min Bok raspaviadaje: «My prosta pachavanyja pad łavinaj słohanaŭ. Nam prychodzicca ich zapaminać, kab była mahčymaść prademanstravać svaju łajalnaść. Ale pastupova jany hublajuć sens, asabliva paśla hoładu 90-ch».
Słohan pra ciaplicy, kaža jon, isnuje ŭžo dva dziasiatki hod. Prablema ŭ tym, što ludzi nie majuć płastykavych panelaŭ ci paliva dla abahrevu.
Niekatoryja słohany pieratvarajucca ŭ miascovyja aniekdoty: «Chaj daroha napieradzie ciažkaja, my projdziem pa joj sa śmiecham» narod pierajnačyŭ jak «Jany, viadoma, śmiajucca, ale našto my taksama musim tudy iści?»