Pieršaje sełfi ŭ kosmasie
Ludzi na Ziamli rabili zdymki samich siabie da taho, jak heta stała mejnstrymam. A pa-za Ziamloj pieršaje sełfi zrabiŭ słavuty astranaŭt Baz Ołdryn u 1966 hodzie.
Pra pieršaje kaśmičnaje sełfi Edvin «Baz» Ołdryn raspaviadaŭ u efiry CNN. Jon robić zvykły siońnia ruch rukoj. «Klik — hatova. Navošta ja zrabiŭ heta? Nie viedaju. Było cikava, jak ja vyhladaju», — zhadvaje jon.
Ołdryn zrabiŭ zdymak padčas svajho pieršaha vychadu ŭ adkryty kosmas u miežach misii «Džemini-12». Padčas jaje jon staŭ pieršym čałaviekam, jaki trojčy vychodziŭ u adkryty kosmas.
Praz dva hady Ołdryn byŭ pryznačany piłotam karabla «Apałon-11» i staŭ druhim paśla Niła Armstranha čałaviekam, chto pakinuŭ śled na pavierchni Miesiaca. Mienavita zdymak śledu Ołdryna staŭ paźniej adnym ź simvałaŭ zasvajeńnia kosmasu.
Paśla zychodu z NASA ŭ 1971 hodzie Ołdryn upaŭ u depresiju i pačaŭ pić, ale viarnuŭsia da narmalnaha žyćcia, kali ŭ treci raz ažaniŭsia. Paśla pracy ŭ kaśmičnym ahienctvie Ołdryn zajmaŭsia ŭ tym liku prapahandaj zasvajeńnia kosmasu, prapanavaŭ prajekt arbitalnych hatelaŭ Cycler, krytykavaŭ NASA za niedastatkova ambicyjoznyja płany zasvajeńnia kosmasu. Na abvinavačańni prychilnika teoryi zmoŭ u tym, što čałaviectva nie vysadžvałasia na Miesiacy, 72-hadovy Ołdryn adkazaŭ dobrym chukam pa skivicy. Nie sprabujcie nazyvać Baza «trusam i chłusam»!