Łukašenka pachvaliŭ «narmandskuju čaćviorku»: Jany prosta małajcy
Alaksandr Łukašenka prakamientavaŭ vyniki praviedzienych u Minsku pierahavoraŭ u «narmandskim farmacie».
«Jany (lidary «narmandskaj čaćviorki») — prosta małajcy, jany vytrymali hety marafon, ale vy nie pierabolšvajcie toje, što hetyja pierahavory išli tak doŭha. Pytańni vajny i miru vyrašajucca miesiacami, a to i hadami, a tut udałosia dasiahnuć zhody ab prypynieńni vajny na praciahu ŭsiaho tolki 15 hadzin. Małajcy!» — skazaŭ Alaksandr Łukašenka.
Razam z tym, jon padkreśliŭ, što hałoŭnaje jašče napieradzie. I nieabchodna na spravie realizavać usie dasiahnutyja damoŭlenaści.
Adkazvajučy na pytańnie ab tym, čamu abmierkavańnie prachodziła za zakrytymi dźviarami, Alaksandr Łukašenka adznačyŭ, što praktyka vyrašeńnia takich pytańniaŭ inšych farmataŭ nie cierpić i nie viedaje. «Heta narmalna, što rabočyja pytańni abmiarkoŭvajucca za zakrytymi dźviarami», — skazaŭ kiraŭnik dziaržavy.