Niezaležnamu žurnalistu ź Biarozaŭki Juryju Dziešuku pieraškadžajuć pracavać
Śpiecsłužby prajaŭlajuć pavyšanuju ŭvahu da surazmoŭcaŭ žurnalista.
Naprykład, biblijatekarku biarozaŭskaj haradskoj biblijateki vyklikali ŭ KDB na hutarku z-za taho, što jana razmaŭlała ź Dziešukom. Pa infarmacyi žurnalista, usim supracoŭnikam lidskaha muzieja zabaranili ź im hutaryć.
Juryj Dziašuk kaža, što sučasnyja žychary Biełarusi vielmi zapałochanyja pradstaŭnikami pravaachoŭnych orhanaŭ i KDB. A dziejańni apošnich mienavita na toje i raźličanyja.
Bolš za hod tamu, 19 lutaha 2014 hoda, Dziašuka vyklikali ŭ prakuraturu, dzie žurnalistu ŭručyli aficyjnaje papiaredžańnie, u jakim havaryłasia pra zabaronu na pracu biez akredytacyi na karyść zamiežnych ŚMI, a taksama pra niedapuščalnaść publikacyi niepravieranaj infarmacyi. Piśmovuju kopiju papiaredžańnia žurnalistu ŭ prakuratury pieradać admovilisia. A na pačatku lutaha 2014 hoda ŭ prakuratury Lidskaha rajona Juryja apytvali adnosna jaho žurnalisckaj pracy.