Tymčuk: Bajeviki razharnuli na miažy z Ukrainaj dva armiejskija korpusy kolkaściu 30-33 tys. čałaviek
Pad adzinym centralizavanym kamandavańniem ŭ składzie tak zvanych «DNR» i «ŁNR» razhornutyja 2 vajskovyja korpusy bajevikoŭ kolkaściu paradku 30-33 tys. čałaviek.
Reuters.com
Pra heta paviedamlaje kaardynatar hrupy «Infarmacyjny supraciŭ» Dźmitryj Tymčuk na svajoj staroncy ŭ sacsietcy.
Pavodle jaho źviestak, z hetaj kolkaści «tolki 15-20% majuć ukrainskaje hramadzianstva, astatnija — rasijskija najomniki».
Taksama Dźmitryj Tymčuk adznačyŭ, što fiksujecca ŭzmocnienaja bajavaja padrychtoŭka bajevikoŭ, jakaja pravodzicca ŭ asnoŭnym na 4-ch abstalavanych «navučalnych centrach» na terytoryi Danieckaj i Łuhanskaj abłaściej, padkantrolnaj bajevikam.
«Kamandy instruktaraŭ ŭkamplektavany ŭ asnoŭnym rasijskimi hramadzianami, jak kadravymi aficerami, tak i najomnikai, jakija majuć značny dośvied słužby ŭ US RF i ŭdziełu ŭ bajavych dziejańniach», — napisaŭ Dźmitryj Tymčuk.