«Łuhanskaja narodnaja respublika» zabaraniła «Dožd́»
«Saviet ministraŭ» samaabvieščanaj «Łuhanskaj narodnaj respubliki» pryniaŭ rašeńnie abmiežavać viaščańnie na terytoryi ŁNR 23 ukrainskich telekanałaŭ, a taksama rasijskaha telekanała «Dožd́».
U pastanovie ŭkazvajecca, što takoje rašeńnie pryniata «ŭ metach zabieśpiačeńnia nacyjanalnych intaresaŭ Łuhanskaj narodnaj respubliki, uličvajučy, što ŭ pradukcyi niekatorych zamiežnych srodkaŭ masavaj infarmacyi utrymlivajucca źviestki i materyjały, jakija nanosiać škodu nacyjanalnaj biaśpiecy, nakiravanyja na prapahandu vajny, a taksama jakija ciahnuć inšyja parušeńni zakanadaŭstva ŁNR».
Apierataraŭ suviazi, jakija ažyćciaŭlajuć retranślacyju zabaronienych telekanałaŭ, abaviazali pryniać miery dla vyklučeńnia ich ź sietki viaščańnia.