Viktoryja Azaranka prajhrała ŭ finale «Aŭstralijan Oŭpen»
Biełaruska Viktoryja Azaranka ŭ pary ź izrailiciankaj Šachar Piejer prajhrali ŭ finale parnaha razradu «Aŭstralijan Oŭpen».
Biełaruska Viktoryja Azaranka ŭ pary ź izrailiciankaj Šachar Piejer prajhrali ŭ finale parnaha razradu «Aŭstralijan Oŭpen». Ichny tandem u troch setach sastupiŭ ukrainkam Alenie i Kaciarynie Bandarenka – 6:2, 1:6, 4:6. Nahadajem, što ŭ adzinočnym razradzie 18-hadovaja biełaruska vylecieła na stadyi 1/16 finału, prajhraŭšy amerykancy Serenie Ŭiljams.
***
Andrej Kaścicyn praciahvaje nabirać vynikovyja punkty ŭ matčach rehularnaha pieršynstva NCHŁ. Hetaj nočču «Manreal Kanadzijans» złamaŭ supraciŭ «djabłaŭ» ź Ńju-Džersi – 4:3. Našy suajčyńnik addaŭ adnu halavuju pieradaču. Ciapier na jahonym rachunku 30 punktaŭ (14 šajb + 16 pieradač).
Bambardzirski rekord siarod biełarusaŭ u NCHŁ naležyć Uładzimieru Cypłakovu, jaki ŭ 1998 hodzie nabraŭ až 52 punkty (18+34). Pry dobraj hulni starejšy Kaścicyn maje ŭsie šancy pakazać lepšy vynik.