Łukašenka: Ja chaču, kab darosłyja i dzieci nasili prystojny abutak
Siońnia A.Łukašenka naviedaŭ u Žodzinie vystavu tavaraŭ, jakija vyrablajucca arhanizacyjami kancernu «Biellehpram».
«Lohkaja pramysłovaść Biełarusi pavinna vyrablać toje, što siońnia zapatrabavana na rynku, i toje, što budzie zapatrabavana zaŭtra», — zajaviŭ 25 studzienia Alaksandr Łukašenka na naradzie ab stanie i pierśpiektyvach raźvićcia pradpryjemstvaŭ lohkaj pramysłovaści, što ŭvachodziać u skład kancerna «Biellehpram». Pra heta paviedamlajuć aficyjnyja krynicy.
«Ja chaču, kab vy dali prava vybaru našamu narodu, apranuli ludziej tak, jak apranajuć va ŭsim śviecie. Ja chaču, kab darosłyja i dzieci nasili prystojny abutak, kab nie kuplali jaho za miažoj», — skazaŭ kiraŭnik dziaržavy, źviartajučysia da kiraŭnikoŭ pradpryjemstvaŭ lohkaj pramysłovaści.
Nahadajem, siońnia A.Łukašenka naviedaŭ u Žodzinie vystavu tavaraŭ, jakija vyrablajucca arhanizacyjami kancerna «Biellehpram». Na jaho dumku, dobra pracujuć tolki pałova pradpryjemstvaŭ lohkaj pramysłovaści.
Na naradzie razhladalisia pytańni abnaŭleńnia asnoŭnych vytvorčych fondaŭ, paviedamlajuć aficyjnyja krynicy. «Isnuje vialikaja znošanaść fondaŭ, ich treba mianiać, madernizavać. Ale pakul treba vyrablać pradukcyju na takim abstalavańni. A dla madernizacyi nieabchodna zarabić hrošy», — skazaŭ kiraŭnik dziaržavy.
Jon taksama zaznačyŭ, što nieabchodna vyrašać prablemu skaračeńnia zapasaŭ hatovaj pradukcyi i pavyšać rentabielnaść vytvorčaści.