«Makdonałds» pačaŭ asvojvać restarannaje absłuhoŭvańnie
Najbujniejšaja sietka restaranaŭ chutkaha charčavańnia «Makdonałds» upieršyniu ŭ svajoj historyi pačaŭ absłuhoŭvać naviedvalnikaŭ za stolikami — u procivahu kancepcyi absłuhoŭvańnia la kasaŭ.
U jakaści piłotnaha prajekta vybrana ŭstanova ŭ aeraporcie Frankfurta-na-Majnie.
«Heta zusim novaje dla «Makdonałdsa», — skazaŭ kiraŭnik adździeła raźvićcia niamieckaha pradstaŭnictva kampanii Tomas Brand u intervju karparatyŭnamu časopisu.
Na dadzieny momant kancepcyja piłotnaha prajekta takaja: naviedvalnik moža paprasić absłužyć jaho stolik na kasie, u ličbavym kijosku abo ŭ aficyjanta z płanšetam, što chodzić pa zale.
Restaran u Frankfurckim aeraporcie źjaŭlajecca najbujniejšym u Hiermanii: tam bolš za 500 pasadačnych miescaŭ.
U vypadku pośpiechu kancepcyja absłuhoŭvańnia stolikaŭ moža pryjści i ŭ inšyja kropki sietki.