Udzielniki Belarus Alternative ŭ Vilni atrymajuć biaspłatnyja vizy
Na novym muzyčnym fiestyvali vystupiać BRUTTO i Neuro Dubel.
1-2 traŭnia ŭ Vilni projdzie muzyčny fiestyval Belarus Alternative z udziełam BRUTTO, Neuro Dubel, Pomidor/off, «Sieriebrianaja svad́ba», Super Besse i Pukstband.
Arhanizatary ŭdakładnili detali afarmleńnia biaspłatnych viz na hetaje mierapryjemstva.
— My chočam, kab maksimalnaja kolkaść hledačoŭ ź minimalnaj kolkaściu prablem zmahli naviedać hetaje mierapryjemstva, — adznačaje arhanizatar fiestyvalu Justas Mamantavas. — Tamu ŭ asobnym pres-relizie navažyli rastłumačyć niekatoryja ŭźnikłyja ŭ publiki pytańni.
Biaspłatnyja vizy (bieź źbirańnia konsulskaha zboru) mohuć być vydadzienyja ŭsim naviedvalnikam kancertu tolki na padstavie kvitkoŭ, nabytych u ofisie turystyčnaj firmy «Tridieviať ziemiel» (h. Miensk, vuł. Kazłova, d.7, of.12). Pakupniki kvitkoŭ u sistemie Ticketpro (Biełaruś) i Bilietupasaulis (Litva) vizavuju padtrymku atrymać nie mohuć.
Pry prodažy kvitkoŭ ź vizavaj padtrymkaj hledačy mohuć adrazu zarehistravacca na padaču dakumientaŭ u Pasolstva Litoŭskaj Respubliki (Miensk). Tamu važna pry sabie mieć kopiju apošniaj staronki pašparta (taja, jakaja z fatahrafijaj). Žychary Haradzienskaj i Bieraściejskaj abłaściej padajuć dakumienty ŭ Hienieralnym konsulstvie Litoŭskaj Respubliki (Harodnia) u paradku žyvoj čarhi biez zapisu.
Na siońniašni dzień pry kupli bileta rehistracyja na padaču dakumientaŭ u Pasolstvie (Miensk) pravodzicca apieratyŭna - na dzień-dva napierad. U Hienieralnym konsulstvie (Harodnia) vialikich čerhaŭ taksama niama. Ale situacyja moža ŭ kožny momant źmianicca. Apošni dzień padačy dakumientaŭ na vizu - 23 krasavika. Tady pašpart ź vizaj budzie viernuty 29 krasavika paśla abiedu.
Kvitki na kožny dzień fiestyvalu dajuć prava na adnarazovuju čatyrochdzionnuju vizu z terminam dziejańnia z 30 krasavika da 3 traŭnia ŭklučna sa sproščanym naboram dakumientaŭ. Tak što vy možacie vybrać muzyku na svoj hust albo jechać na abodva dni.
Sproščany nabor dakumientaŭ - heta sapraŭdny dla vyjezdu za miažu pašpart, kvitok, strachoŭka i zapoŭnienaja ankieta. Daviedka z pracy, finansavyja paćvierdžańni, dokazy pa raźmiaščeńni i inšyja dakumienty nie patrabujucca, ale ŭ indyvidualnych vypadkach Pasolstva pakidaje za saboj prava patrabavać ich pakazu.
Źviartajem uvahu, što viza vydajecca dla naviedvańnia fiestyvalu Belarus Alternative. Vykarystańnie vizy nie pa pryznačeńni moža paŭpłyvać na pastanovu ab vydačy Šenhienskaj vizy ŭ budučyni.
Fiestyval BELARUS ALTERNATIVE projdzie ŭ Vilni, Teatro Arena, a 19.00.
1 traŭnia: BRUTTO, NEURO DUBEL, POMIDOR/OFF
2 traŭnia: «Sieriebrianaja Svad́ba», SUPER BESSE, PUKSTBAND
Košt kvitkoŭ: 400 tysiač rubloŭ na adzin dzień, 700 tysiač rubloŭ na dva dni. Płanujecca aŭtobusny tur Miensk-Vilnia-Miensk. Infalinija: (029) 636 56 16 i (029) 239 56 16. Dadatkovaja infarmacyja: www.cartadorog.by.