Microsoft vypuściła dla testavańnia zamienu Internet Explorer
U novaj zborcy Windows 10 Technical Preview možna aznajomicca z Project Spartan.
Prezientacyja Project Spartan. Fota: Microsoft
Karparacyja Microsoft pradstaviła novuju testavuju zborku svajoj nastupnaj apieracyjnaj sistemy Windows 10. U jaje skład uvajšoŭ Project Spartan — braŭzier, što pryjdzie na zamienu Internet Explorer.
Asobna ad Windows 10 pasprabavać Project Sparnat nie atrymajecca — tolki ŭ składzie Windows 10 Technical Preview.
Project Spartan zaraz daloki ad finalnaj viersii, ale jaho asnoŭnyja pryncypy ŭžo možna acanić. Braŭzier maje minimalistyčny interfiejs, sproščany režym čytańnia, padtrymku hałasavoha pamočnika Cortana.
Važnaja «fiška» braŭziera, krospłatformavaść (to bok dasiažnaść adnačasova na smartfonach, płanšetach i nastolnych kampjutarach) budzie dasiahnutaja tolki ŭ finalnaj viersii Windows 10. Viersija dla aznajamleńnia daje mahčymaść skarystacca Project Spartan tolki na nastolnych kampjutarach i noŭtbukach.
***
Project Spartan — nie finalnaja nazva «zabojcy IE». Pa čutkach, kančatkovaja nazva budzie ŭtrymlivać brend Microsoft i prostaje słova — atrymajecca niešta nakštałt «Microsoft Browser».
Čytajcie taksama: Microsoft prezientavała novyja mahčymaści Windows 10, zamienu Internet Explorer i hałahrafičnyja akulary
Novy braŭzier nie «zabje» Internet Explorer. Stary braŭzier zastaniecca ŭ karparatyŭnych zborkach Windows dziela zabieśpiačeńnia advarotnaj sumiaščalnaści. Tym nie mieniej, Project Spartan maje vycieśnić šmatpakutny brend Internet Explorer, «abialić» reputacyju jakoha ŭ Microsoft tak i nie vyjšła.