Na radzimie Łukašenki na Kupalle satkuć samy doŭhi pojas Biełarusi
Majstry Mahiloŭščyny ŭžo raspačali pracu.
Fota: Mahiloŭski abłvykankam
Na kupalskim śviacie «Aleksandryja źbiraje siabroŭ» buduć pradstaŭlenyja pieršyja vyniki prajektu «Kupalski pojas», raspaviadaje Mahiloŭski abłvykankam.
U miežach prajektu «Kupalski pojas» majstry Mahiloŭščyny majuć namier satkać samy doŭhi pojas Biełarusi. Paŭdzielničać u prajekcie zmoža kožny achvočy.
«Pa zadumie jon budzie ŭklučać u siabie tradycyjnyja matyvy arnamientaŭ pajasoŭ usich rehijonaŭ Mahiloŭskaj vobłaści, — padkreśliła viadučy redaktar Mahiloŭskaha abłasnoha mietadyčnaha centra narodnaj tvorčaści i kulturna-aśvietnaj raboty Alona Biełanožka.
U minułym hodzie centr ładziŭ sieminary pa tkactvie pajasoŭ, kab majstrychiz usich rajonaŭ vobłaści avałodali hetym ramiastvom, pahłybili svaje ŭmieńni i navyki.
Vyniki prajektu buduć pradstaŭlenyja na radzimie Łukašenki, u vioscy Aleksandryja Škłoŭskaha rajona, dzie štohod prachodzić śviatkavańnie Kupalla.