Kazulina chutka vypuściać?
Učorašnija pravierki ŭ ofisie BSDP «Hramada», na dumku v.a. staršyni partyi Anatola Laŭkoviča, siarod inšaha mohuć uskosna śviedčyć pra toje, što Alaksandar Kazulin najbližejšym časam moža vyjści na volu.
Učorašnija pravierki ŭ ofisie Biełaruskaj sacyjał‑demakratyčnaj partyi «Hramada», na dumku vykonvajučaha abaviazki staršyni partyi Anatola Laŭkoviča, siarod inšaha mohuć uskosna śviedčyć ab tym, što lider BSDP i były kandydat na prezidenta Alaksandr Kazulin bližejšym časam moža vyjści na volu.
Nahadajem, učora ŭ štab‑kvateru BSDP‑H zavitaŭ z pravierkaj supracoŭnik adździeła baraćby z ekanamičnaj złačynnaściu ŭpraŭleńnia ŭnutranych spravaŭ Leninskaha rajona Minska. Užo praz try hadziny da sacyjał‑demakrataŭ zavitali jašče try supracoŭniki inśpiekcyi pa padatkach i zborach pa tym ža rajonie. Na dumku Anatola Laŭkoviča, na paradku dnia ŭładaŭ pytańnie ab zakryćci ofisu, a zatym i partyi.
‑ Reč u tym, što pa hetym jurydyčnym adrasie zarehistravana 5 rajonych arhanizacyj. Tamu, u vypadku, kali nas adsiul vyšturchnuć, situacyja składziecca vielmi surjoznaja. Nie vyklučaju zakryćcia partyi.
Palityk miarkuje, što takim čynam ułady rychtujucca da daterminovaha vyzvaleńnia Alaksandra Kazulina, pryznanaha mižnarodnaj supolnaściu viaźniem sumleńnia.
‑ Chodzić šmat čutak ab chutkim vyzvaleńni Kazulina. I całkam vierahodny taki varyjant, kali jon vychodzić, a partyi niama. U našaj krainie ŭsio mahčyma.
Nahadajem, što na minułym tydni biełaruskija ŭłady vypuścili daterminova pradprymalnikaŭ Mikałaja Aŭtuchoviča i Juryja Lavonava, a taksama lidera «Maładoha frontu» Źmitra Daškieviča.