Zadni chod Minjustu
Ministerstva justycyi časova prypyniła pazoŭ suprać PKB
Ministerstva justycyi Biełarusi źviarnułasia ŭ Viarchoŭny sud krainy z prośbaju časova prypynić pazoŭ u dačynieńni da Partyi kamunistaŭ Biełaruskaj.
Padstavaj dla zvarotu stała toje, što ŭ ministerstva ad PKB «pastupili listy, u jakich partyja infarmuje ab vypraŭleńni parušeńniaŭ, jakija pasłužyli padstavaj dla prypynieńnia jaje dziejnaści, a taksama inšaja infarmacyja, jakaja maje dačynieńnie da hetaha pytańnia».
2 žniŭnia 2007 hodu Viarchoŭny sud na pazoŭ Miniusta prypyniŭ dziejnaść partyi na 6 miesiacaŭ. A na pačatku sioletniaha hodu ministerstva prapanavała likvidavać PKB.
30 studzienia ŭ Viarchoŭnym sudzie adbyłasia papiaredniaja sustreča kiraŭnictva partyi z pradstaŭnikami ministerstva. Na joj abodva baki pradstavili novyja dakumenty pa hetaj spravie. Tamu sud vyrašyŭ praciahnuć razmovu z bakami praz tydzień.
Paśla hetaha i źjaviŭsia zvarot ministerstva ŭ sud ab časovym prypynieńni pazovu.