Snoŭden viarnuŭsia ŭ Ńju-Jork u vyhladzie hałahramy
Ńju-Jorkskaj kałonie pamiaci zmaharoŭ za niezaležnaść praciahvajuć «dadavać» vobraz Snoŭdena.
Fota: The Illuminator
Palityčny art-prajekt The Illuminator viarnuŭ vyjavu Edvarda Snoŭdena ŭ bruklinski park Fort-Hryn — ciapier zamiest zvykłaha fizičnaha biusta demanstravałasia hałahrama.
Zranku 6 krasavika nieviadomyja prymacavali klejem na kałonu pamiaci zmaharoŭ za niezaležnaść Amieryki ŭ Ńju-Jorku biust Edvarda Snoŭdena. Palicyja prybrała biust, ale na kałonu 7 krasavika «viarnuli» hałahramu.
«Nichto nie zmoža zahłušyć hołas narodu», — tłumačać aŭtary instalacyi ŭ svaim tvitary. Svaju historyju jany prasočvajuć ad pratestaŭ Occupy Wall Street i dziejničajuć dziela tych, chto «achviaruje svajoj biaśpiekaj dziela baraćby z sučasnaj tyranijaj».
***
Edvard Snoŭden — były supracoŭnik CRU i ANB, jaki ŭ 2013 hodzie vykryŭ prahramu masavaj sočki za hramadzianami ZŠA i inšych krain. U byłych pracadaŭcaŭ jon skraŭ 1,7 młn sakretnych fajłaŭ i dahetul vykładvaje ich u presie. U ZŠA jamu pradjaŭlenyja abvinavačańni ŭ špijanažy i skradańni dziaržmajomaści. Na siońnia žyvie ŭ Maskvie, ale spadziajecca viarnucca damoŭ, kali tam jaho budzie čakać spraviadlivy adkryty sud.